Ndërlidhjet

Putin: Inteligjenca ruse dhe ajo amerikane t’i ripëtrijnë lidhjet


Vladimir Putin gjatë fjalimit të sotëm në taakimin e Shërbimit të Sigurisë Federale të Rusisë

Presidenti i Rusisë, Vladimir Putin, ka thënë se Rusia dhe Shtetet e Bashkuara do të përfitonin nga ripërtritja e komunikimeve ndërmjet agjencive të inteligjencës për ta forcuar luftën kundër terrorit.

“Në interesin tonë reciprok është ripërtritja e dialogut me agjencitë e inteligjencës së Shteteve të Bashkuara dhe të vendeve të tjera të NATO-s”, i tha Putin Shërbimit të Sigurisë Federale të Rusisë (FSB) në takimin e sotëm në Moskë.

“Është absolutisht e qartë se në fushën e kundërterrorizmit të gjitha qeveritë e përgjegjshme duhet të bashkëpunojnë”, tha Putin.

Raportet ndërmjet Rusisë dhe Shteteve të Bashkuara kanë rënë në pikën më të ulët prej Luftës së Ftohtë dhe shumë lidhje ndërmjet dy shteteve janë shkatërruar pasi Rusia në mënyrë ilegale e aneksoi Krimenë e Ukrainës, në vitin 2014, dhe për shkak të mbështejtes së vazhdueshme të Moskës për separatistët në pjesën lindore të Ukrainës.

XS
SM
MD
LG