Ndërlidhjet

Ayrault: Rusia po kryen sulme kibernetike në zgjedhjet presidenciale franceze 


Kryediplomati rus, Sergei Lavrov dhe homologu francez, Jean Marc Ayrault, pas konferencës me gazetarë të 6 tetorit 2016

Ministri i jashtëm i Francës e ka fajësuar Moskën për disa sulme kibernetike, duke thënë se veprime të tilla janë të “pa pranueshme”.

Duke folur për “Journal du Dimanche”, Jean Marc Ayrault, ka thënë se sulmet kanë pasur cak kandidatin pro evropian, Emmanuel Macron.

Ai ka nënvizuar se kandidatja e ekstremit të djathtë, Marine Le Pen, dhe kandidati tjetër i djathtë, Francois Fillon kanë mbajtur qëndrime pro ruse dhe kundër Evropës, diçka që i pëlqen Moskës.

“Rusia është e para që thotë se mosndërhyrja në çështje të brendshme është rregull themelor, dhe unë e kuptoi këtë”, ka thënë Ayrault dhe ka shtuar: “Franca nuk do pranoj që zgjedhjet e saj të diktohen nga të tjerët, gjithashtu”.

Kancelarja gjermane, Angela Merkel e cila garon sërish në zgjedhjet e përgjithshme të shtatorit gjithashtu ka paralajmëruar për përpjekje të ngjajshme nga Moska me qëllim që të ndikojë në rezultate.

Dyshimet se Rusia ndërhynë në zgjedhje janë nxitur pasi Moska është akuzuar se ka ndërhyrë në zgjedhjet presidenciale amerikane të vitit 2016.

“Pas asaj që ndodhi në SHBA, është përgjegjësia jonë që të ndërmarrim të gjithë hapat e nevojshëm për të siguruar që integriteti i procesit tonë demokratik respektohet në tërësi”, ka thënë Ayrault.

XS
SM
MD
LG