Ndërlidhjet

Naser Kelmendi dërgohet nga paraburgimi në arrest shtëpiak


Naser Kelmendi
Naser Kelmendi

Naser Kelmendi, i akuzuar për tregti me drogë, krim të organizuar, si dhe vrasjen e personit Ramiz Delaliq, shtetas i Bosnjë Hercegovinës, është dërguar nga paraburgimi në arrest shtëpiak.

Vendimin për dërgimin e tij në arrest shtëpiak e ka marrë gjyqtarja Ana Adamska Gallant. Lajmin e ka konfirmuar nga avokati i tij, Besnik Berisha.

Kelmendi i lindur në Pejë, aktualisht shtetas i Bosnjë Hercegovinës, është arrestuar më 6 maj, 2013, nga Policia e Kosovës, në bazë të urdhër-arrestit ndërkombëtar, të lëshuar nga autoritetet boshnjake dhe që nga ajo kohë është në paraburgim në Kosovë.

Më 1 qershor, 2012, nga Departamenti i Thesarit të Shteteve të Bashkuara të Amerikës, Naser Kelmendi është identifikuar nën Aktin për Bosët e Narkotikëve të Jashtëm si një trafikant i lëndëve narkotike.

XS
SM
MD
LG