Ndërlidhjet

Disa vende evropiane kërkojnë mbështetje të SHBA-ve kundër agresionit rus


Rex Tillerson (djathtas) dhe Pavlo Klimkin gjatë takimit të mbrëmshëm në Uashington

Diplomatë të 5 vendeve evropaine, që janë në kufi me Rusinë, kanë kërkuar më tepër mbështetje ushtarake dhe ekonomike nga Shtetet e Bashkuara, derisa ata i kanë përsëritur shqetësimet e tyre te senatorët amerikanë për agresivitetin e shtuar të Rusisë.

Ministri i jashtëm i Ukrainës, Pavlo Klimkin, pas takimit të tij me sekretarin amerikan të shtetit, Rex Tillerson, në Uashington, i tha mbrëmë një nënkomiteti përkatës të Senatit amerikan, se i është dhënë siguri për mbështetjen amerikane ndaj Ukrainës, në luftën kundër separatistëve të mbështetur nga Rusia.

Në këtë nënkomitet dëshmoi edhe ambasadori i Polonisë në Ushington, Piotr Wilczek, i cili tha se “paqartësia dhe josiguria më se mirë e përshkruan ambientin aktual në të cilin gjendemi ne”.

Dëshmitë e tyre i kanë dhënë edhe përfaqësuesit e Lituanisë, Gjeorgjisë dhe Estonisë.

Senatori republikan, Lindsay Graham, që është kryesues i këtij nënkomiteti dhe kritikues i politikave ruse, tha se Uashingtoni dëshironte raporte më të mira me Rusinë, por, sipas tij, “kjo nuk mund të arrihet kurrë, derisa Rusia i vazhdon përjekjet për shkatërrimin e demokracisë”.

XS
SM
MD
LG