Ndërlidhjet

Beograd: Mijëra vetë protestuan kundër Vuçiqit


Pamje nga një protestë e ditëve të fundit kundër Vuçiqit në Beograd
Pamje nga një protestë e ditëve të fundit kundër Vuçiqit në Beograd

Disa mijëra njerëz kanë protestuar në Beograd kundër politikave të qeverisë dhe fitores së kryeministrit Aleksandar Vuçiq, në zgjedhjet presidenciale.

Për të nëntën herë me radhë, protestuesit mbrëmë u mblodhën para ndërtesës së qeverisë në Beograd, duke mbajtur parulla në të cilat, pos tjerash, shkruante “punëtorët nuk janë skllavë”.

Pjesëmarrësit protestuan kundër fitores së Vuçitit në zgjedhjet presidenciale më 2 prill, duke pretenduar se ka pasur parregullësi të mëdha në fushatë.

Zoti Vuçiq, 46 vjeçar, ka fituar 55% të votave dhe ia doli ta siguroj fitoren në rrethin e parë.

Në këtë mënyrë, kryeministri aktual i Serbisë, tash mund ta kontrolloj në tërsëi parlamentin, ku Partia Progresiste e tij e ka shumicën, dhe procesin qeverisës.

Disa kritikë kanë tërhequr vërejtjen se kjo mund ta çoj Serbinë prapa në autokraci, që simbolizohet nga ish-lideri, Sllobodan Millosheviq, gjatë një dekade sa ishte president.

XS
SM
MD
LG