Ndërlidhjet

Vriten tetë roje të sigurisë pranë bazës amerikane në Afganistan


Bagram, Afganistan

Tetë roje afgane të sigurisë janë vrarë në provicën Parvan të Afganistanit.

“Rojet e bazës ajrore Bagram kanë humbur jetën pasi makina e tyre është sulmuar nga persona të armatosur”, tha zëdhënësi i qarkut Bagram, Abdul Shokoor Qudosi.

Sipas tij, sulmi ka ndodhur rreth një kilometër larg bazës.

Përgjegjësinë e kanë marrë militantët talibanë.

Baza ajrore Bagram është baza më e madhe ushtarake e SHBA-së në Afganistan dhe është shpesh cak për sulme.

Në nëntor të vitit të kaluar, një sulm vetëvrasës brenda bazës ka lënë të vrarë dy ushtarë amerikanë dhe dy kontraktorë të tjerë.

XS
SM
MD
LG