Ndërlidhjet

Hetohet marrëveshja e Obamës me kompaninë ruse të uraniumit


Kompania ruse, Rosatom.

Republikanët në Kongresin e Shteteve të Bashkuara kanë njoftuar për nisjen e një hetimi, për blerjen e një firme kanadeze nga një kompani ruse që posedon 20 përqind të rezervave të uraniumit të SHBA-së, blerje kjo e realizuar gjatë qeverisjes së presidentit Barack Obama.

Një ligjvënës republikan, ka thënë se ata duan të dijnë nëse shitja e Uranium One, te kompania ruse Rosatom, është hetuar mjaftueshëm nga FBI dhe agjencitë për zbatimin e ligjit në SHBA, përpara se marrëveshja të aprovohej në vitin 2010-të.

Presidenti i SHBA-së, Donald Trump, është ankuar, duke thënë se mediat e kanë injoruar marrëveshjen e uraniumit, derisa janë fokusuar në lidhjet e fushatës së tij me Rusinë.

Në anën tjetër, demokratët thonë se nisja e këtij hetimi, është vetëm shmangie nga hetimet për përfshirjen e Rusisë në zgjedhjet presidenciale, që ka qenë në shqyrtim në Kongres dhe departamentin e Drejtësisë.

XS
SM
MD
LG