Ndërlidhjet

Një zyrtar i lartë afgan është rrëmbyer në Pakistan


Pamje e një rruge në provincën Kunar në Afganistan

Policia e Pakistanit ka njoftuar se persona të armatosur e kanë rrëmbyer një zyrtar të lartë afgan në qytetin veriperëndimor pakistanez, Peshavar.

Policia tha se Muhamad Nabi Ahmadi, zëvendës guvernator i provincës afgane, Kunar, është rrëmbyer pardje.

Një zyrtar i provincës Kunar ka konfirmuar se Ahmadi është zhdukur në Peshavar dhe se ai ishte atje për trajtim shëndetësor.

Asnjë grup nuk e ka marrë përgjegjësinë për këtë rrëmbim.

Qyteti Peshavar, afër kufirit të Pakistanit me Afganistanin, për një kohë të gjatë ishte qendër e aktivitetit militant dhe qendër e transportit për trafikantët e drogës dhe kontrabanduesit e tjerë.

Ky incident me gjasë, do t’i tensionojë edhe më tepër raportet ndërmjet Afganistanit dhe Pakistanit.

Për një kohë të gjatë, Kabuli e akuzon Islamabadin për strehim të udhëheqjes së talibanëve, por Pakistani i i ka hedhur poshtë këto akuza.

XS
SM
MD
LG