Ndërlidhjet

Trump arrin në Korenë e Jugut


Presidenti i Shteteve të Bashkuara, Donald Trump.

Presidenti i Shteteve të Bashkuara, Donald Trump, arriti në Korenë e Jugut, ku do të takohet me homologun e këtij vendi, Moon Jae-in, për të diskutuar tregtinë dhe programin bërthamor të Koresë së Veriut.

Ai po ashtu do të takojë trupat amerikane të stacionuara në Korenë e Jugut dhe politikanë lokalë.

Të hënën, Trump ka qëndruar në Japoni – ndalesa e parë e turneut të tij në Azi.

Duke folur në Tokio, Trump ka thënë se programi bërthamor i Koresë Veriore është “kërcënim” për botën dhe ka përsëritur se “periudha e durimit strategjik” ndaj Phenjanit ka marrë fund.

Në muajt e fundit, Phenjani ka testuar disa raketa balistike ndërkontinentale dhe ka kryer provën e gjashtë bërthamore.

XS
SM
MD
LG