Presidenti i Zimbabvesë, Robert Mugabe, i ka shokuar shumë zyrtarë dhe shtetas të këtij vendi, duke mos e përmendur dorëheqjen e tij gjatë fjalimit televiziv, pasi partia e tij e shkarkoi atë disa orë më parë.
Liderët e partisë ZANU, të presidentit Mugabe, 93 vjeçar, dje u thanë mediave se presidenti do ta shpallte dorëheqjen gjatë fjalimit për kombin në televizion.
Por, duke folur nga Zyra e tij presidenciale, së bashku me disa gjeneralë, Mugabe nuk e ka përmendur dorëheqjen.
Pas fjalimit të presidentit, partia ZANU tha se do të kërkojë shkarkimin e tij, nëse ai deri sot në mesditë nuk e shpallë dorëheqjen.
