Ndërlidhjet

Rusia krijon prani të përhershme në bazat në Siri


Pjesëtarët e marinës në aeroplanbartësinë e Rusisë në bazën detare Tartus në Siri

Ministri i mbrojtjes i Rusisë, Sergei Shoigu, thotë se Rusia ka filluar krijimin e pranisë së përhershme në dy baza të veta ushtarake në Siri. Një bazë e këtillë është kapaciteti i marinës ruse në Tartus dhe tjetra është në një bazë ajrore ruse afër qytetit Latakia.

Shoigu tha sot se presidenti, Vladimir Putin, e ka “miratuar strukturën e personelit në dy baza kryesore” gjatë javës së kaluar dhe Rusia “ka filluar formimin e pranisë së grupit të vazhdueshëm të forcave atje”.

Njëherësh, Këshilli i Federatës Ruse sot e ka miratuar ratifikimin e marrëveshjes ndërmjet Moskës dhe qeverisë së presidentit të Sirisë, Bashar al-Assad, për forcat e Rusisë në bazën detare në Tartus.

Kjo marrëveshje është nënshkruar më 16 dhjetor në Damask.

XS
SM
MD
LG