Ndërlidhjet

Lajm i jashtëzakonshëm

Gjykata në Turqi anulon vendimin për lirimin e kreut të AI


Taner Kilic

Një gjykatë turke anuloi vendimin e saj për të liruar nga paraburgimi kreun lokal të organizatës për të drejtat e njeriut, Amnesty International.

I arrestuar në qershor, Taner Kilic është akuzuar për anëtarësim në një organizatë terroriste, gjë të cilën ai e mohon.

Amensty International, me seli në Londër, tha se vendimi është “shtrembërim i drejtësisë”, ndërsa akuzat i cilësoi si “të pabaza”.

Kilic është arrestuar në kuadër të përndjekjeve masive që janë bërë pas përpjekjes për grushtshtet në Turqi, në korrik të vitit 2016.

Gjatë seancës dëgjimore të mërkurën, gjykata në Stamboll ka urdhëruar lirimin me kusht të Kilicit nga një burg në qytetin e Izmirit.

Amnesty International tha se prokurori ka apeluar kundër vendimit dhe se një gjykatë e dytë e ka pranuar apelin e tij.

Të enjten, gjykata e parë e pranoi vendimin e gjykatës së dytë për të vazhduar paraburgimin e tij.

XS
SM
MD
LG