Ndërlidhjet

Lajm i jashtëzakonshëm

Në Kashimirin e Indisë janë vrarë dy ushtarë


Pamje nga kufiri në Kashmir ndërmjet Indisë dhe Pakistanit

Dy ushtarë janë vrarë dhe tre të tjerë janë plagosur sot në Kashmirin e kontrolluar nga India, derisa trupat kanë shkëmbyer zjarr me militantë të armatosur, të cilët ishin bllokuar brenda një kampi të ushtrisë, kanë thënë zyrtarët.

Zyrtari qeveritar, Abdul Rehman Veeri, u tha ligjvënësve të rajonit se përleshja e armatosur, që kishte filluar në mëngjes, ka vazhduar deri në mesditë.

Militantët ishin barrikaduar në një hapësirë të banimit në kamp, ku janë të vendosur ushtarët dhe familjet e tyre, ka thënë policia në qytetin Xhamu.

Mbetet e paqartë se sa militantë ishin të përfshirë në këto të shtëna.

Rajoni i Kashmirit në Himalaje është i ndarë ndërmjet Indisë dhe rivalit kryesor të saj, Pakistanit fqinj.

Të dy shtetet pretendojnë se Kashmiri u takon në tërësi.

Disa grupe militante kanë luftuar prej vitit 1989 për pavarësinë e Kashmirit nga India dhe bashkimin me Pakistanin.

India e akuzon Pakistanin se i furnizon me aramtim dhe i trajnon militantët. Pakistai i ka hedhur poshtë këto akuza.

XS
SM
MD
LG