Ndërlidhjet

Turqia dërgon forca speciale në Afrin


Luftimet në rajonin e Afrinit

Turqia ka dërguar forca speciale në rajonin sirian Afrin, në pritje për “luftime të reja” në zonat urbane, si pjesë e operacionit të saj ndaj milicive kurde, ka thënë sot Ankaraja.

Më 20 janar, Turqia nisi ofensivën në enklavën perëndimore të Afrinit, për të mbështetur rebelët sirianë ndaj milicive kurde të njohur si Njësitet për Mbrojtjen e Popullit (YPG), të cilat mbështeten nga Shtetet e Bashkuara.

“Dërgimi i forcave speciale është pjesë e përgatitjeve për luftimeve të reja që po afrohet”, ka thënë zëvendëskryeministri turk, Bekir Bozdag.

Angjecia shtetërore e lajmeve në Turqi, Anadolu ka thënë se një numër i paspecifikuar i forcave speciale, kanë arritur në rajonin e Afrinit të dielën në mbrëmje.

Turqia e konsideron YPG-në si organizatë terroriste dhe e sheh si zgjatim të Partisë së Punëtore të Kurdistanit (PPK) në Siri.

PPK-ja konsiderohet si grup terrorist nga Ankaraja, Shtetet e Bashkuara dhe Bashkimi Evropian.

XS
SM
MD
LG