Ndërlidhjet

Lajm i jashtëzakonshëm

SHBA fut një parti të Pakistanit në listën terroriste


Presidenti i Ligës Myslimane Milli, Saifullah Khalid (i dyti në të majtë).

Shtetet e Bashkuara e kanë futur partinë politike të Pakistanit "Liga Myslimane Milli" në listën e organizatave të huaja terroriste për, siç thuhet, lidhjet e dyshuara me një grup militant, i cili është fajësuar për sulmet në Mumbai, më 2008.

Departamenti amerikan i Shtetit tha përmes një deklarate se e ka shpallur Ligën Myslimane Milli grup të huaj terrorist, për shkak se ka operuar bashkë me grupin Lashkar-e Taiba, i cili po ashtu është në listën terroriste të SHBA-së.

Edhe një grup tjetër, Tehreek-e-Azadi-e-Kashmir, i lidhur me Lashkar-e Taiban, i cili operon në Kashmir - pjesën e administruar nga India - është futur në listën terroriste të SHBA-së.

Shtetet e Bashkuara dhe India e fajësojnë Lashkar-e Taiban për sulmet e vitit 2008 në Mumbai, ku kanë mbetur të vrarë 166 veta.

Themeluesi i grupit, Hafiz Saeed, e ka mohuar përfshirjen.

XS
SM
MD
LG