Ndërlidhjet

Përleshje të reja në kufirin Gaza-Izrael


Pamje nga përleshjet në kufirin Gaza-Izrael.
Pamje nga përleshjet në kufirin Gaza-Izrael.

Protestuesit palestinezë janë mbledhur përsëri në kufirin mes Gazës dhe Izraelit duke shkaktuar përleshje të reja, një javë pasi një situatë e ngjashme ka rezultuar me vdekjen e 16 palestinezëve.

Palestinezët kanë protestuar më 6 prill duke hedhur gurë drejt ushtarëve izraelitë, si dhe duke lëshuar tym të zi, me qëllim të bllokimit të pamjes së snajperistëve izraelitë në pjesën tjetër të kufirit.

Ushtria izraelite ka bërë të ditur përsëri se nuk do të lejojë shkatërrimin e kufirit. Është thënë se trupat janë duke u përgjigjur me armë zjarri, gaz lotsjellës dhe plumba gome.

Ministria e Shëndetësisë në Gaza ka thënë se tre palestinezë janë plagosur në lokacione të ndryshme nga zjarri i izraelitëve.

Protestuesit kanë kërkuar që të lejohet kthimi i refugjatëve palestinezë, të cilët janë detyruar të largohen me forcë nga territori më 1948, kur edhe është krijuar Izraeli.

Sidoqoftë Izraeli ka thënë se protestat janë urdhëruar nga grupi militant Hamas, në mënyrë që protestuesit të kalojnë ilegalisht në territor që të nisin sulmet.

Protestat e 6 prillit kanë qenë më të vogla në krahasim me ato të një jave më parë.

XS
SM
MD
LG