Ndërlidhjet

Kulla Trump përfshihet nga zjarri, vdes një person


Kulla Trump, foto nga arkivi

Autoritetet në Nju Jork kanë thënë se një burrë 67-vjeç ka vdekur, pasi zjarri ka shpërthyer në Kullën Trump në qytetin e Nju Jorkut.

Ende nuk është e qartë nëse viktima ishte banor në këtë ndërtesë. Ai vdiq nga zjarri që shpërtheu në mbrëmjen e 7 prillit në një apartament në katin e 50-të të kësaj ndërtese.

Zyrtarët thanë thënë se edhe katër zjarrfikës kanë pësuar lëndime të lehta.

Presidenti Donald Trump ka shkruar në Twitter se zjarri është shuar dhe ka falënderuar zjarrfikësit “për punën e mirë”.

Biznesi i presidentit Trump është i vendosur në këtë Kullë dhe ai ka ka jetuar në këtë ndërtesë. Por, prej se është zgjedhur president në janar të vitit 2017, Trump ka kaluar shumë pak kohë në Nju Jork.

Zyrtarët kanë thënë se asnjë anëtar i familjes së Trumpit nuk ka qenë në ndërtesë, në momentin kur ndërtesa është përfshirë nga flakët.

XS
SM
MD
LG