Ndërlidhjet

Erdogan viziton Uzbekistanin


Presidenti turk, Recep Tayyip Erdogan (djathtas) dhe homologu i tj uzbek, Shavkat Mirziyoyev.

Presidenti turk, Recep Tayyip Erdogan ka nisur një vizitë triditore në Uzbekistan me qëllim të përmirësimit të marrëdhënieve dhe marrëveshjeve biznesore në mes të dy shteteve.

Erdogan ka arritur në Tashkent në mbrëmjen e 29 prillit dhe pritet të marrë pjesë në formin ekonomik uzbeko-turk me më shumë se 200 përfaqësues të lartë qeveritarë dhe pjesëtarë të kompanive të mëdha turke.

Para se të nisej në Tashkent, Erdogan u ka thënë gazetarëve në aeroportin e Stambollit, Ataturk se ai shpreson që Turqia dhe Uzbekistani do të rikthejnë “mundësitë e humbura”.

Ministria e Jashtme Uzbeke ka thënë se gjatë vizitës së Erdoganit do të diskutohen mënyra për rritjen e nivelit të marrëdhënieve bilaterale.

Turqia ka qenë shteti i parë që ka njohur zyrtarisht pavarësinë e pesë shteteve të Azisë Qendrore, pas shkatërrimit të Bashkimit Sovjetik më 1991, mirëpo marrëdhëniet në mes të Uzbekistanit dhe Turqisë kanë qenë të tensionuara që atëherë.

XS
SM
MD
LG