Presidenti i Koresë së Jugut, Moon Jae-in ka kërkuar nga Kombet e Bashkuara për të ndihmuar që të verifikojnë mbylljen e planifikuar të vendeve të testimeve bërthamore të Koresë së Veriut.
Moon e ka bërë këtë kërkesë gjatë një bisede telefonike me Sekretarin e Përgjithshëm të OKB-së, Antonio Guterres, ka raportuar agjencia e lajmeve jugkoreane, Yonhap.
Disa ditë para samitit historik në mes të Moon dhe liderit verikorean, Kim Jong Un, Koreja e Veriut ka njoftuar se do të mbyll testet bërthamore në Punggye-ri dhe do të ndërpresë të gjitha testet bërthamore dhe të raketave balistike.
Gjatë samitit, Kim dhe Moon ishin zotuar se do të punojnë në denuklearizimin e plotë të Gadishullit Korean.
