Ndërlidhjet

Lajm i jashtëzakonshëm

Franca ndëshkon disa kompani që dyshon se kanë lidhje me armët kimike në Siri


Një fëmijë sirian duke u trajtuar pas sulmit të dyshuar me armë kimike në Siri, foto nga arkivi.

Franca ka njoftuar të premten se ka ngrirë asetet e tre personave dhe nëntë kompanive që dyshohet se kanë qenë të përfshira në zhvillimin e armëve kimike në Siri, transmeton Reuters.

Në një deklaratë të përbashkët, ministri i Financave, Le Maire dhe ministri i Jashtëm, Jean-Yves Le Drian kanë thënë se ky hap ka për qëllim shkatërrimin e rrjeteve që dyshohet se i kanë ndihmuar Qendrës Siriane për Studime Shkencore.

Qeveria amerikane dhe shtete tjera akuzojnë këtë qendër për krijim të armëve kimike për Qeverinë e presidentit sirian, Bashar al-Assad.

“Tre persona dhe nëntë kompani janë shënjestruar për rolin e tyre në studimin e materialeve për zhvillimin e armëve kimike dhe atyre balistike për këtë shtet”, është thënë në deklaratë.

XS
SM
MD
LG