Ndërlidhjet

Putin planifikon të takojë Netanyahun dhe emirin e Katarit


Presidenti rus, Vladimir Putin.

Presidenti rus, Vladimir Putin planifikon që javën tjetër të takohet me kryeministrin izraelit, Benjamin Netanyahu dhe emirin e Katarit, nëse ky i fundit udhëton drejt Moskës për të shikuar ndeshjen në Kampionatin e futbollit për Kupën e Botës, ka njoftuar të mërkurën Kremlini.

Rusia është nikoqire e këtij Kampionati, që përfundon më 15 korrik.

“Takimet janë planifikuar dhe do të zhvillohen nëse mysafirët realizojnë udhëtimet e tyre në ndeshjet e Kupës së Botës”, ka thënë zëdhënësi i Kremlinit, Dmitry Peskov, para gazetarëve.

Zyra e Netanyahut ka njoftuar të martën se lideri izraelit do të takojë Putinin në Moskë më 11 korrik.

Ndeshja finale e këtij Kampionati zhvillohet më 15 korrik në Stadiumin Luzhniki në Moskë.

XS
SM
MD
LG