Ndërlidhjet

Turqia arreston gruan e një komandati të IS-it


Policia Speciale turke, foto nga arkivi

Turqia ka arrestuar gruan e Abu Omar al-Shishani, njëri prej komandatëve kryesor të grupit militant, Shteti Islamik, që është vrarë dy vjet më parë, ka raportuar agjencia shtetërore e lajmeve.

Agjencia Anadolu raportoi se katër persona janë arrestuar në Stamboll, për shkak të lidhjeve të dyshuara me IS-in.

Në mesin e të arrestuarve është edhe Seda D., e cila ishte e martuar me al-Shishanin. Agjencia e lajmeve DHA ka thënë se gruaja po përdorte një pasaportë false.

Shishani, ishte “ministër i luftës” për IS-in dhe ka qenë i pranishëm në shumë video propaganduese të grupit militant. Ushtria amerikane ka thënë se ai është vrarë në Irak në korrikun e vitit 2016, gjatë sulmeve ajrore.

XS
SM
MD
LG