Ministri i Tregtisë dhe Industrisë i Kosovës, Bajram Hasani, u lirua nga detyra.
Këtë vendim e mori Qeveria e Kosovës, me kërkesë të partisë se tij Nisma Socialdemokrate e Kosovës.
Lajmin e konfirmoi për Radion Evropa e Lirë zëdhënësja e Qeverisë, Donjeta Gashi, sipas së cilës, "Nisma Socialdemokrate e Kosovës ka kërkuar nga kryeministri Ramush Haradinaj që ta lirojë nga detyra Bajram Hasanin".
Arsyet e këtij vendimi nuk janë ende të qarta.