Ndërlidhjet

Një i plagosur nga erërat e forta në Prishtinë


Prishtinë, 24 shtator 2018.

Erërat e forta që kapluan të hënën Prishtinën, shkaktuan plagosjen e një personi nga xhamat që u thyen në bibliotekën "Hivzi Sylejmani", bënë të ditur zyrtarë të Komunës së Prishtinës.

Fatmir Bilalli, nga sektori i emergjencave, tha për Radion Evropa e Lirë se erërat e forta rrëzuan pemë dhe shkaktuan dëme të tjera materiale në shumë pjesë të kryeqytetit të Kosovës.

"Problemi më i madh mbetet rrëzimi i gjësendeve nga kulmet e shtëpive dhe banesave, që paraqesin rrezik për qytetarët që kalojnë afër tyre", tha Bilalli.

Kryetari i Prishtinës, Shpend Ahmeti, me anë të një postimi në llogarinë e tij në Facebook, i ftoi qytetarët të kenë kujdes.

“Për shkak të erërave të forta në Prishtinë, i lusim qytetarët të qëndrojnë në hapësira të mbyllura sa më shumë dhe të kenë kujdes të shtuar gjatë qëndrimit në ambiente të hapura", tha Ahmeti.

XS
SM
MD
LG