Ndërlidhjet

Të paktën 20 të vdekur nga shpërthimi i një tubacioni në Meksikë


Shpërthimi i tubacionit të gazit në qytetin Tlahuelilapan, Meksikë.
Shpërthimi i tubacionit të gazit në qytetin Tlahuelilapan, Meksikë.

Të paktën 20 persona janë vrarë dhe dhjetëra të tjerë janë plagosur pas shpërthimit të një tubacioni të gazit në Meksikën Qendrore.

Guvernatori i shtetit të Hidalgos, Omar Fayad tha se shpërthimi është shkaktuar pasi karburanti është derdhur nga një tubacion.

“E dimë që vendi ku ka ndodhur shpërthimi ka qenë një zonë ku karburanti është vjedhur dhe autoritetet janë në dijeni për këtë”, tha ai gjatë një prononcimi për Faro TV.

Ai shtoi se të paktën 54 persona të tjerë janë dërguar në spital pasi kanë pësuar djegie dhe lëndime të tjera si pasojë e shpërthimit.

Mediat lokale kanë raportuar se qindra persona ishin mbledhur pranë një tubacioni në afërsi të qytetit Tlahuelilpan, duke tentuar që të vjedhin karburant nga ky tubacion.

Fayad tha se vjedhja e karburanti përveç se është një gjë e paligjshme, gjithashtu “vë në rrezik jetën e qytetarëve”.

“Çfarë ndodhi sot në Tlahuelilpan, nuk duhet të përsëritet”, tha ai.

XS
SM
MD
LG