Ndërlidhjet

Talibanët në ofensivë sulmesh të armatosura ndaj ushtrisë afgane


Ilustrim

Militantët talibanë kanë nisur sulme të armatosura nga disa postblloqeve të ushtrisë në perëndim të Afganistanit duke lënë të vrarë 13 ushtarë afganë.

Jamshid Shahabi, zëdhënës i guvernatorit të provincës Badghis, tha se 42 militantë u vranë dhe 15 u plagosën gjatë përleshjeve në kufi me Turkmenistanin.

Mirëpo, njoftohet se ende nuk dihet për fatin e disa dhjetra ushtarëve tjerë të përfshirë në përleshje.

Zëdhënësi i Ministrisë së Mbrojtjes, Qais Mangal tha se pas ofensivës së talibanëve, qeveria ka dërguar përforcime ushtarake, përfshirë ato ajrore, në rajonin Bala Murghab.

Ndërkohë talibanët përmes zëdhënësit, Qari Yousof Ahmadi konfirmuan se grupi militant qëndron prapa sulmeve dhe se kanë rrëmbyer 28 ushtarë afganë.

Ofensiva e militantëve talibanë vjen në kohën kur negociatorët talibanë dhe ata të Shteteve të Bashkuara po zhvillojnë bisedimet e paqës në Katar. Bisedimet po mbahen në përpjekje për t’i dhënë fund konfliktit 18 vjeçar në Afganistan.

XS
SM
MD
LG