Ndërlidhjet

Brenton Tarrant do t'iu nënshtrohet testeve të shëndetit mendor


Brenton Tarrant në gjykatë, foto nga arkivi.

Australiani Brenton Tarrant, i akuzuari për vrasjen e 50 personave muajin e kaluar në dy xhami në Kristçërç të Zelandës së Re, është urdhëruar që të kryejë teste për gjendjen e shëndetit të tij mendor.

Ekspertët do të vlerësojnë nëse ai është në gjendje të mirë mendore për t’u gjykuar, apo i çmendur, ka thënë gjyqtari, Cameron Mander.

I dyshuari përballet me 50 akuza për vrasje dhe 39 tentim-vrasje.

Tarrant, 28 vjeçar, i cili e ka përshkruar veten si supremacist të bardhë, është paraqitur para gjykatës, derisa në seancë kanë qenë edhe familjarët e viktimave.

Sulmi që u frymëzua nga luftërat në ish-Jugosllavi

Ky sulm njëherësh është cilësuar më i përgjakshmi në Zelandën e Re.

Kryeministrja e këtij vendi, Jacinda Ardern e pati cilësuar ditën e sulmit si “një nga ditët më të rënda” për Zelandën e Re.

Ajo është zotuar për të ndaluar përdorimin e të gjitha armëve gjysmë-automatike dhe pushkëve me shënjestrim.

XS
SM
MD
LG