Ndërlidhjet

Zbulohet një rrjet ndërkombëtar i krimit kibernetik


Ilustrim

Agjencia Evropiane e Policisë (EUROPOL) ka zbuluar një bandë kriminale, me shtrirje ndërkombëtare, e cila përdorte viruse kibernetike për të vjedhur 100 milionë dollarë nga më shumë se 40.000 viktima.

Një operacion kompleks i policisë kreu hetime në SHBA, Bullgari, Gjermani, Gjeorgji, Moldavi dhe Ukrainë.

Pjesëtarët e bandës, përmes infektimit të kompjuterëve me virus, merrnin detajet bankare në internet dhe pastaj hynin në llogaritë bankare.

Banda u krijua nga kriminelë që prezentuan aftësitë e tyre në forume online.

Detajet e operacionit u prezentuan në selinë e Agjencisë Evropiane të Policisë në Hagë.

Në njoftim u tha se hetimi ishte i pashembullt, veçanërisht në aspektin e bashkëpunimit ndërkufitar.

Në mesin e viktimave ishin bizneset e vogla, zyrat ligjore, korporatat ndërkombëtare dhe organizatat jofitimprurëse.

XS
SM
MD
LG