Ndërlidhjet

Thaçi bën thirrje për krijim sa më të shpejtë të institucioneve


Presidenti i Kosovës, Hashim Thaçi.
Presidenti i Kosovës, Hashim Thaçi.

Presidenti i Kosovës, Hashim Thaçi ka uruar deputetët e legjislaturës së shtatë për konstituimin e Kuvendit të Kosovës.

Në një postim në rrjetin social, Facebook, Thaçi ka thënë se Kosova ka përpara sfida të shumta që sipas tij kërkojnë nivel të lartë të përgjegjësisë.

“Prandaj të gjithë të zgjedhurit e popullit duhet t’i lënë anash interesat politike dhe të punojnë për krijimin sa më të shpejtë të institucioneve të Republikës së Kosovës”, ka thënë mes tjerash Thaçi.

Në seancën konstituive të së enjtes, Glauk Konjufca nga Lëvizja Vetëvendosje është zgjedhur kryetar i Kuvendit të Kosovës.

Kuvendi ka zgjedhur në postet e nënkryetarëve, Arbërie Nagavcin nga Lëvizja Vetëvendosje, Kujtim Shalën nga Lidhja Demokratike e Kosovës dhe Memli Krasniqin nga Partia Demokratike e Kosovës. Kurse nga komunitetet, Sllavko Simiq nga Lista Serbe dhe Fikrim Damka nga komuniteti turk, u zgjodhën po ashtu në pozitat nënkryetarë të Kuvendit. Me zgjedhjen e kryetarit dhe pesë nënkryetarëve, ka përfunduar procedura e konstituimit të Kuvendit të Kosovës.

Më shumë rreth seancës së Kuvendit lexoni këtu: Konstituohet kuvendi - Glauk Konjufca, kryetar

XS
SM
MD
LG