Ndërlidhjet

Vriten dy ushtarë turq nga sulmet ruse në Siri


Pajisje ushtarake turke në Idlib të Sirisë.

Turqia ka thënë se i janë vrarë dy ushtarë dhe pesë të tjerë i janë plagosur nga sulmet ajrore ruse në veriperëndim të rajonit të Idlibit në Siri, duke dhënë shenja për përshkallëzim të dhunës civile, në të cilën Ankaraja dhe Moska përkrahin palë të ndryshme.

Forcat ajrore ruse, që përkrahin forcat qeveritare siriane, kanë kryer sulmet me bombarduese të tipit Su-24, Qendra ruse për pajtimin e palëve ndërluftuese.

Për dallim nga Rusia, Turqia, vend anëtar i NATO-s, përkrah militantët që kundërshtojnë qeverinë e presidentit sirian, Bashar al-Assad.

Ministria turke e Mbrojtjes ka pretenduar se rreth 50 ushtarë qeveritarë të Sirisë janë vrarë si përgjigje ndaj sulmeve, dhe se janë shkatërruar pajisje tjera ushtarake.

Përleshjet në Idlib, rajonin e fundit të kontrolluar nga rebelët që kundërshtojnë regjimin sirian, janë duke ndodhur një ditë pasi presidenti turk, Recep Tayyip Erdogan, ka paralajmëruar për ofensivë turke në këtë rajon.

Të përkrahura nga forcat ajrore ruse, trupat siriane janë duke tentuar të pushtojnë këtë rajon.

Më herët gjatë këtij muaji janë vrarë 13 ushtarë turq, duke shtyrë presidentin Erdogan të paralajmërojë për marrjen e masave ushtarake, nëse plagoset edhe një ushtar turk.

XS
SM
MD
LG