Ndërlidhjet

Deri në fund të muajit, Turqia planifikon të largojë forcat siriane nga Idlibi


Rebelët anti-qeveritar në rajonin e Idlib-it në Siri.
Rebelët anti-qeveritar në rajonin e Idlib-it në Siri.

Turqia planifikon të largojë forcat e qeverisë siriane, larg pikave të saj të vëzhgimit ushtarak në rajonin veri-perëndimor të Idlibit në Siri, gjatë kësaj jave, tha presidenti turk, Recep Tayyip Erdogan.

Gati një milion sirianë janë shpërngulur në tre muajt e fundit për shkak të luftimeve midis rebelëve të mbështetur nga Turqia dhe forcave siriane që gëzojnë mbështetjen e Rusisë.

Forcat e presidentit, Bashar al-Asad janë duke u përpjekur të rimarrin rajonin e fundit të madh të mbajtur nga kryengritësit në Siri, pas nëntë viteve të luftës.

"Ne po planifikojmë të çlirojmë pikat tona të vëzhgimit nga forcat e qeverisë siriane deri në fund të këtij muaji, në një mënyrë ose në një tjetër", tha Erdogan në një fjalim para ligjvënësve të partisë së tij.

Megjithatë, forcat e Asadit shënuan përparim në provincën jugore të Idlibit, ku morën kontrollin e një numri fshatrash, ka njoftuar Vëzhguesi Sirian për të Drejtat e Njeriut.

Më 5 shkurt Erdogan kërkoi që forcat e Asadit të tërhiqeshin prapa nga rajoni, ose Turqia do t'i largonte ata.

Turqia ngriti 12 pika vëzhgimi në Idlib sipas një marrëveshjeje të vitit 2017 me Rusinë dhe Iranin për ndaljen e dhunës.

XS
SM
MD
LG