Ndërlidhjet

Thaçi: Të ndërmerren hapa për të ruajtur ekonominë


Presidenti i Kosovës, Hashim Thaçi.

Presidenti i Republikës së Kosovës, Hashim Thaçi, gjatë një takimi që ka zhvilluar me përfaqësuesit e shoqatave ekonomike në Kosovë tha se është e rëndësishme që të ndërmerren hapa për ta ruajtur ekonominë e këtij vendi.

Në një komunikatë për media, të lëshuar nga presidenca e Kosovës, thuhet se presidenti Thaçi ka biseduar me përfaqësuesit e shoqatave ekonomike për hapat që duhet ndërmarrë për t’iu ndihmuar punëtorëve dhe afaristëve kosovarë në rrethanat e krijuara pas përhapjes së koronavirusit të ri.

Koronavirusi godet rëndë ekonominë

“Pandemia e COVID-19 është sfidë për shëndetësinë, por edhe për ekonominë e Kosovës dhe të tërë globit. Është e rëndësishme që të ndërmerren hapa për ta ruajtur edhe ekonominë e vendit”, citohet të ketë thënë Thaçi.

Deri më tani në Kosovë janë konfirmuar 19 raste me koronavirus.

XS
SM
MD
LG