Ndërlidhjet

Performanca e Bocellit shikohet miliona herë


Tenori italian, Andrea Bocelli.

Tenori italian, Andrea Bocelli ka mbajtur një koncert për Festën e Pashkëve në Katedralen e zbrazët të Milanos të dielën, derisa miliona persona e kanë ndjekur atë në kohë reale përmes platformave online, ndërkohë që kanë qëndruar të izoluar në shtëpi për shkak të koronavirusit.

Performanca e tij në katedralen Duomo, që është transmetuar drejtpërdrejt në kanalin e tij në YouTube, është shikuar më shumë se 23 milionë herë deri më tani.

“Falë muzikës, ne do të bashkojmë miliona duar në gjithë botën, do të përqafojmë këtë puls të plagosur të Tokës”, ka thënë Bocelli, një nga tenorët më të famshëm në botë.

Bocelli këndon i vetëm
Ju lutem të prisni
Embed

No media source currently available

0:00 0:01:30 0:00

Italia është vendi i prekur më së keqi nga koronavirusi në Evropë, me gati 20,000 të vdekur deri më tani, duke përfshirë mbi 9,000 vdekje në rajonin e Lombardisë, që ka për kryeqendër Milanon.

Për më shumë lajme rreth koronavirusit përcilleni blogun e Radios Evropa e Lirë.

XS
SM
MD
LG