Ndërlidhjet

Maqedonia e Veriut regjistron edhe 41 raste të reja me koronavirus


Ilustrim.

Ministria e Shëndetësisë ka njoftuar për 41 raste të reja me koronavirus në Maqedoninë e Veriut ndërkohë që nuk janë regjistruar viktima, çka përbën një prej ditëve të rralla pa viktima që nga regjistrimi i viktimës së parë më 22 mars.

Nga 649 teste të kryera për koronavirus, 17 persona kanë dalë pozitivë në Shkup, 11 në Kumanovë, pesë në Prilep, tre në Tetovë ndërsa në qytetet tjera numri i të infektuarve është më i vogël.

Në testin e parë për koronavirus, negativë kanë dalë edhe zyrtarët shtetërorë që ishin futur në vetizolim, përfshirë edhe kryeministrin, Oliver Spasovski.

Numri i përgjithshëm i të infektuarve në këtë ka arritur në 1,300 ndërsa i të vdekurve mbetet në shifrën 56.

Gjatë 24 orëve të fundit 29 persona janë shëruar duke e çuar në 301 numrin e përgjithshëm të tyre.

Sipas Ministrisë së Punëve të Brendshme, ulje ka shënuar edhe numri i personave që ndodhen në karantinë shtetërore. Të enjten karantinën e kanë lëshuar 234 persona ndërsa 800 vazhdojnë të qëndrojnë ende.

Që nga paraqitja e rastit të parë me koronavirus, në territorin maqedonas janë kryer 13,649 teste.

XS
SM
MD
LG