Ndërlidhjet

Zyrtarët e Ministrisë së Drejtësisë dalin negativ në testin për koronavirus


Ministria e Drejtësisë në Kosovë ka njoftuar se të gjithë zyrtarët e kësaj ministrie të cilët janë testuar nga Instituti Kombëtar për Shëndetësi Publike të Kosovës (IKSHPK), kanë rezultuar negativ në testimin për COVID-19, sëmundje që e shkakton koronavirusi i ri.

Testimi i këtyre zyrtarëve u bë pasi ata kishin kontakt me një koleg të tyre në Ministrinë e Drejtësisë i cili me 11 maj rezultoi pozitiv në testin për koronavirus.

Ky institucion njofton se është në kontakt të vazhdueshëm me zyrtarin i cili ka rezultuar pozitiv dhe se gjendja e tij dhe e familjes së tij është stabile.

Pas shfaqjes së rastit pozitiv në Ministrinë e Drejtësisë, ky institucion thotë se ka ndërmarrë të gjitha masat e parapara nga IKSHPK-ja, duke përfshirë dezinfektimin e ambienteve të punës dhe vendosjen e mjeteve të tjera higjienike.

XS
SM
MD
LG