Ndërlidhjet

Haradinaj kërkon që sa më shpejtë të votohet qeveria e re


Ramush Haradinaj, foto nga arkivi.

Kryetari i Aleancës për Ardhmërinë e Kosovës, Ramush Haradinaj ka mirëpritur vendimin e Gjykatës Kushtetuese rreth formimit të Qeverisë së re të Kosovës.

Ai u shpreh se i mandatari për kryeministër, Avdullah Hoti nga radhët e Lidhjes Demokratike të Kosovës, duket që sa më shpejtë të formojë ekzekutivin e ri.

“Në rrethanat e krijuara, çdo ditë e humbur ka kosto për ekonominë dhe mirëqenien e qytetarëve. Kosova nuk ka kohë për të humbur”, ka shkruar Haradinaj në Facebook.

Gjykata Kushtetuese vendosi që dekreti i presidentit, Hashim Thaçi për ta mandatar Avdullah Hotin për postin e kryeministrit është në përputhje me aktin më të lartë ligjor në vend.

Partia e Haradinajt, së bashku me Nismën Socialdemokrate të Fatmir Limajt, Listën Serbe dhe partitë e komuniteteve joshumicë, kanë arritur marrëveshje me LDK-në për bashkëqeverisje.

XS
SM
MD
LG