Ndërlidhjet

Kina refuzon pjesëmarrjen në diskutimet për kontrollin e armëve


Ilustrim.

Kina është duke refuzuar pjesëmarrjen në bisedimet për çarmatim, që pritet të zhvillohen mes Shteteve të Bashkuara dhe Rusisë, ka thënë një zëdhënës i ministrisë së Jashtme, transmeton dpa.

Zyrtarët amerikanë dhe ata rusë, pritet të takohen në Vjenë më 22 qershor, për një rreth të ri të bisedimeve për kontrollin e armëve.

Shtetet e Bashkuara kanë shpresuar që Rusia do të mund ta bindë Kinën për t’iu bashkëngjitur negociatave për kufizim të rezervave bërthamore në të trija këto shtete.

Shtetet e Bashkuara janë larguar së fundmi nga disa traktate ndërkombëtare për kontrollin e armëve, duke kërkuar përfshirjen e Kinës në diskutimet e reja.

Zëdhënësja e Ministrisë së Jashtme të Kinës, Hua Chunying, ka thënë se Pekini ka treguar edhe më herët se nuk do të jetë pjesë e bisedimeve trepalëshe.

“Ne kemi vërejtur se SHBA-ja ka shtyrë Kinën në këtë çështje… pavarësisht se kur ngritet”, me qëllim të ikjes nga përgjegjësia që ka, ka thënë Hua.

Pretendimet e Uashingtonit se dëshiron të negociojë në mirëbesim “janë tejet qesharake dhe as nuk tingëllojnë si të vërteta”, ka thënë mes tjerash ajo.

XS
SM
MD
LG