Mijëra veteranë të luftës kanë protestuar të shtunën në Kroaci kundër vendimit të Tribunalit të Hagës për dënimin me 24 vjet burg për Ante Gotovinën. Ky i fundit është dënuar për krime lufte të ndodhura gjatë një fushate të vitit 1995 për të larguar rebelët serbë nga Kroacia.
Protestuesit që u mblodhën në sheshin qëndror të Zagrebit dhe në disa qytete të tjera mendojnë që Gotovina nuk është fajtor për operacionin e quajtur “Stuhia”.
Protestuesit thirrnin “tradhëti” duke e akuzuar qeverinë kroate se nuk po bënë asgjë për të shpëtuar Gotovinën nga dënimi për krime lufte.
Gotovina dhe një tjetër general i kohës së luftës, Mladen Markac, i cili ishte dënuar më 18 vjet burg, janë shpallur fajtor për vraje, dëbim, plaçkitje dhe krime të tjera kundër njerëzimit.
