Ndërlidhjet

Putin nënvizon arritjet e qeverisë


Kryeministri rus Vladimir Putin, në fjalimin vjetor në parlament i nënvizoi sot arritjet e qeverisë së tij.

Putin tha se në kohën e krizës globale, Rusia ia doli të shmangë “tronditjet dhe rreziqet serioze”.

Ai parashikoi rritje vjetore të Prodhimit Shoqëror Bruto prej të paktën 4.2 përqind, që është në vijë me pritjet e qeverisë të bëra publike në vitin 2010.

Dhoma e Ulët e parlamentit rus, apo Duma, është kryesisht e dominuar nga Rusia e Bashkuar, parti e Putinit.

Këshilltari i Putinit, Dmitri Peskov, tha se kryeministri nuk pritet të flasë për planet nëse do të kandidohet në zgjedhjet presidenciale 2012.
XS
SM
MD
LG