Burimet pakistaneze raportojnë se nga raketat amerikane janë vrarë 22 persona në rajonin fisnor të Vaziristanit, në afërsi të kufirit afgano-pakistanez.
Rajoni në fjalë njihet si një nga bazat e talibanëve dhe të Al Kaidës.
Shtëpia që u bë cak i sulmeve amerikane ishte bazë e fshehtë e militantëve.
Sulmi vjen një ditë pas deklaratave të gjeneralit Ashfak Parvez Kajani, i cili tha se viktimat civile nga sulmet amerikane po rrisin zemërimin e njerëzve dhe po zhvlerësojnë përpjekjet e Pakistanit në luftën kundër terrorizmit.