Një tërmet prej 5 shkallësh të Rihterit ka goditur sot provincën lindore të Turqisë, Agri. Përderisa ende nuk ka të dhëna zyrtare për dëmet njoftohet për disa shtëpi të shkatërruara. Autoritetet turke thanë se epiqendra e tërmetit ishte në qytetin Tutak afër kufijëve të Turqisë me Armenin dhe Iranin. Ndërkohë bëhet e ditur edhe për një tërmet të fuqishëm prej 7.3 shkallësh të Rihterit që ka goditur sot ishullin Sulavesi të Indonezisë. Zyrtarë të atjeshëm thanë se ky tërmet nëndetësor paraqet rrezik për tsunami.
