Sekretari amerikan i mbrojtjes, Robert Gejts sot tërhoqi vërejtjen se çdo vend anëtar i NATO-s, mund ti ndjej pasojat e dështimit të Shteteve të Bashkuara për ta pacifikuar Irakun. Zoti Gejts tha në konferencën ndërkombëtare për siguri në Munih se dështimi për krijimin e Irakut stabil, që do të mund ta qeverisë dhe mbrojë vetveten, do të rezultoj me konflikte të mëtejshme në Lindjen e Mesme dhe me më shumë terrorizëm.
