Presidenti i Kosovës Fatmir Sejdiu dhe shefi i UNMIK-ut Joachim Rycker janë kthyer në Prishtinë pas seancës së Këshillit të Sigurimit të Kombeve të Bashkuara për Kosovën. Presidenti Sejdiu tha se beson që nuk do të ketë zvarritje dhe se Këshilli i Sigurimit i KB do të sigurojë mbështetjen e nevojshme që të miratohet pakoja e kryenegociatorit për statusin e Kosovës Martti Ahtisaari dhe të nxirret rezoluta e re për Kosovën.
