Nga një varg sulmesh në Irak sot janë vrarë së paku 20 vetë. Zyrtarët thonë se në një sulm në qytetin Mahmudiyah, janë vrarë së paku 15 persona. Katër të tjerë janë vrarë nga një sulm me makinë bombë në Bagdad, ndërsa një polic është vrarë nga shpërthimi i një bombe gjatë patrullimit në Adhamiyah. Ushtria e Shteteve të Bashkuara ka njoftuar sot se dje në veri të Bagdadit janë vrarë katër pjesëtarë të saj.
