Ramë Maraj, botues i gazetës "Iliria Post" u arrestua për shmangie të tatimit, tha zëdhënësja e Shërbimit Policor të Kosovës Sabrije Kamberi. Policia tha se arrestimi i tij, mbrëmë në Prishtinë, u bë me urdhër të gjykatës. Dy vjet më parë policia kishte kontrolluar një organizatë joqeveritare që drejtohej nga Maraj. Më parë ai ka qenë këshilltar për çështje të sigurisë të presidentit të ndjerë Ibrahim Rugova.
