Demokratët në Dhomën Përfaqësuese të Kongresit amerikan nuk ia dolën që ta mbivotojnë veton e presidentit Bush në legjislacionin për financimin e Luftës në Irak, që parasheh edhe orarin për tërheqje të trupave amerikane nga ky vend. Pas kësaj, presidenti Bush i priti liderët nga të dy partitë në Kongres për të diskutuar lidhur me dallimet e paraqitura. Pas takimit në Shtëpinë e Bardhë, të dy palët thanë se ndjenin nevojën se ishte e domosdoshme që legjislacioni për financim të miratohej deri në fund të muajit maj.
