I dërguari i posaçëm i Bashkimit Evropian për statusin e Kosovës Stefan Lehne do të qëndrojë sot në Prishtinë, për t'u takuar me përfaqësuesit e institucioneve më të larta vendore. Gjatë takimeve me presidentin Fatmir Sejdiu dhe kryeministrin Agim Çeku, ai pritet të diskutojë rreth përgatitjeve që po bëhen për vendosjen e një misioni të Bashkimit Evropian në periudhën e pas statusit në Kosovë.
