Pesë vendet anëtare të përhershme të Këshillit të Sigurimit dhe Gjermania, diskutuan sot rreth programeve bërthamore të Iranit. Ministria e Jashtme e Gjermanisë tha se bisedimet ishin përgatitje për takimin ndërmjet shefit të diplomacisë së BE-së Havier Solana dhe negociatorit iranian Ali Larijani. Irani mund të përballet me raund të ri të sanksioneve të Kombeve të Bashkuara pas afatit përfundimtar me 23 maj, deri kur Teherani duhet të ndalë pasurimin e uraniumit.
