Autoritetet gjermane kanë rritur gatishmërinë për sulmet e mundshme terroriste në Gjermani. Ministria e Brendshme gjermane ka thënë se të dhënat e reja bëjnë të ditur se grupet e trajnimit të terroristëve në Afganistën janë përforcuar dhe po përgatisin sulme në Evropë, përfshirë Gjermaninë. Shqetësimet vijnë pasi në raportet e mediave gjermane thuhet se disa persona nga Gjermania janë përfshirë në kampet terroriste të trajnimit në Afganistan dhe Pakistan.
