Kontakt Grupi për Kosovën, në nivel të ministrave të jashtëm, por pa Rusinë, do të mblidhet sot në Paris ka njoftuar agjensia italiane e lajmeve Ansa. Në takim do të jenë të pranishëm sekretarja amerikane e shtetit Kondoliza Rajs, ministrat e jashtëm të Francës, Italisë dhe Gjermanisë, Bernard Kushner, Frank Valter Shtajnmajer dhe Masimo da Lema, si dhe nënsekretari britanik për politikën e Jashtme Dejvid Trisman. Takimi do të jetë joformal pasi ministrat e Jashtëm do të tentojnë të gjejnë zgjidhje edhe për krizat në Darfur dhe Sudan.
